والدة صغير مصاب بضمور العضلات تستغيث: علاجه في الإمارات ومحتاج فتح حساب للتكفل بالعلاج الجيني
استغاثت رقية إبراهيم والدة الطفل علي محمد، صاحب الـ8 سنوات من العمر، لعلاجه من مرض ضمور العضلات، حيث إن تكلفة العلاج تبلغ 3 ملايين دولار، وعلاجه غير موجود إلا في دولة الإمارات.
والدة الطفل علي المصاب بضمور العضلات تستغيث لعلاجه
وقالت والدة الطفل علي محمد مريض ضمور العضلات: ابني محتاج التكفل بالعلاج الجيني في أسرع وقت، وفيه صعوبة لجمع تبرعات لعلاجه، لإن الحقنة مش موجودة في مصر، وبالتالي وزارة التضامن الاجتماعي رفضت فتح حساب له.
وقالت رقية إبراهيم، في تصريحات لـ القاهرة 24، الطفرة اللي علي مصاب بها نادرة، وتواصلنا مع المستشفى في الإمارات وبالفعل علاجه موجود هناك وكل أوراق سفره جاهزة، ولكن علي محتاج حد يتكفل بحالته الصحية، لإن تكلفة العلاج 3 ملايين دولار، والمبلغ دا يفوق إمكانيات أي أسرة.
وأضافت رقية إبراهيم، والدة الطفل علي محمد مريض ضمور العضلات: بحاول أحافظ على حالة علي الصحية وبنتبع كل تعليمات الدكاترة هنا في مصرعلشان ميتعرضش لأي مضاعفات أو مخاطر صحية، ودلوقتي بياخد أدوية فيها نسبة عالية من الكورتيزون وأحيانًا بيتعرض لبعض الآثار الجانبية، والدكاترة وجّهوا بسرعة حصوله على العلاج الجيني، ولكن فيه صعوبة في فتح حساب تبرعات، لإن العلاج خارج مصر، مضيفة: بناشد رجال الأعمال في مصر أو الإمارات بالتكفل بعلاج علي، أو تسهيل وزارة التضامن فتح حساب لجمع التبرعات لعلاج علي.
