أحمد داود: الناس قالتلي أنت هتسيب ولاد رزق عشان تعمل الهوى سلطان؟
تحدث الفنان أحمد داود، عن حقيقة رفضه المشاركة في الجزء الثالث من فيلم ولاد رزق، من أجل فيلم الهوى سلطان، رغم النجاح الكبير الذي حققه الفيلم في جزئيه الأول والثاني.
وقال أحمد داود، في تصريحات تليفزيونية: مرفضتش فيلم ولاد رزق 3، أنا وقتها كنت بصور مسلسل زينهم وفيلم الهوى سلطان وكمان برنامج الكونتينر، وهما كانوا عايزين يبدأوا تصوير حالًا فمكنش ينفع.
وتابع أحمد داود: لما عملت 122 وفيلم يوم 13 قالولي هو ده فيلم هيجيب فلوس؟ 3D إيه ونظارات إيه، ولغاية فيلم الهوى سلطان محدش كان متوقع أنه هينجح، وقالولي أنت هتسيب ولاد رزق علشان تعمل الهوى سلطان؟.
وأضاف: فيلم يوم 13 قعدت مستنيه 3 سنين، ومحدش كان عارف أني هعمل فيلم بالحجم ده، وفي الوقت ده اتعرض عليا حاجات بفلوس أكتر بكتير وحاجات كانت ممكن تأذي الفيلم لما يتعرض، ومش هنضحك على بعض لما بنرفض أول مرة حاجة كبيرة خلاص اللي بعد كده بيبقى سهل.
فيلم الهوى سلطان
ويعرض حاليًا لأحمد داود في السينمات فيلم الهوى سلطان، والذي حقق نجاحًا واسعًا منذ عرضه، وتدور أحداث العمل في إطار رومانسي اجتماعي لايت، وهى شابة وشاب تربطهما صداقة قوية منذ الصغر، ويواجهان معًا العديد من المواقف والمشاكل المختلفة مع أصدقائهما وعائلتيهما، ولكن فجأة تحدث بعض التغييرات في علاقتهما، وتتوالى الأحداث.
