داليا البحيري توجه رسالة لقصار القامة: اوعوا تخجلوا من خلقة ربنا
حرصت الفنانة داليا البحيري على توجيه رسالة لأصحاب القامة القصيرة الذين يتعرضون للتنمر بشكل مستمر، حيث أكدت عليهم ألا يلتفتوا لما يقوله الآخرون، وأن عليهم أن يحاولوا إثبات أنفسهم، وأنه لا شيء في الدنيا يستطيع أن يمنعهم من تحقيق أحلامهم.
وقالت داليا البحيري في لقائها مع القاهرة 24: عايزة أقول لأصحاب القامة القصيرة، تقدروا تعملوا كل حاجة، ومريم بطلة فيلم سنو وايت أكبر دليل، تقدروا وتكسروا الدنيا، أوعوا تنكسفوا من خلقة ربنا.
داليا البحيري: فيلم سنو وايت بيأدبنا
وتابعت داليا البحيري: وياريت الناس تشوف فيلم سنو وايت لأنه بيأدبنا، وبيعلمنا إزاي نتقبل الآخر وعدم التنمر على خلق ربنا، زعلت جدًا على البنت اللي توفيت في إسكندرية بسبب تنمر صاحبها، ربنا يكون في عون والدتها وأهلها.
وأضافت: مش عارفة البنات اللي كانوا سبب في أنها تقرر تنهي حياتها بسبب تنمرهم هيعيشوا إزاي، أتمنى تكون رسالة لكل من يتنمر علشان ممكن نفسيته تدمر، وخلوا حد ينهي حياته.
فيلم سنو وايت
يشار إلى أن فيلم سنو وايت من بطولة الفنانة الشابة مريم شريف، محمد ممدوح، كريم فهمي، محمد جمعة، البلوجر أحلام، وشارك الفيلم في مهرجان البحر الأحمر السينمائي الدولي، ويُعد الفيلم الأول عالميًا من نوعه بتقديمه لفتاة قصيرة القامة في دور البطولة، لمناقشة قصة حب تعيشها البطلة، ويُسلط فيها الضوء على تحديات وأبعاد الحياة اليومية لقصار القامة.
