أبرز تصريحات رانيا يوسف التليفزيونية: كنت بزوّغ وأروح ديسكو مع أصحابي وأقول لأهلي كنت في الدرس
حلت الفنانة رانيا يوسف ضيفة على أحد البرامج التليفزيونية، وتحدثت خلال حوارها عن العديد من التفاصيل الخاصة بمشوارها الفني، حيث أكدت أنها أُجبرت على دخول كلية الآداب قسم اللغة الإنجليزية، لكنها كانت تطمح لدخول معهد السينما.
نستعرض لكم في هذا التقرير أبرز تصريحات رانيا يوسف التليفزيونية:
-تربيت في مدرسة راهبات خلّتني مؤدبة زيادة عن اللزوم، وفيه قواعد أخلاقية مش ممكن أخرج عنها.
-أُجبرت على دخول آداب إنجليزي وخلصتها في 14 سنة.
-كان نفسي أدخل معهد السينما وأطلع مخرجة، وده متحققش.
-كان لازم أتحرر من القيود اللي اتربيت عليها علشان أعمل فلوس وأعمل مستقبلي بالطريقة اللي أنا عايزاها.
-كنت بزوّغ وأروح ديسكو مع أصحابي وأقول لأهلي كنت في الدرس.
-اشتغلت 3 سنين كمضيفة رغم رفض والدتي للمجال علشان مش عايزة حد يتحكم فيها.
-علاقتي بوالدتي مش كويسة علشان طول الوقت شايفة إني لازم أسمع كلامها.
-فخورة إني وقفت على رجلي بدري وكنت مستقلة ماديًا، ما احتجتش حاجة من حد.
-شغلي هو اللي وقفني على رجلي، ما اعتمدتش لا على أهلي ولا جوزي.
-أجّلت جامعة بناتي سنة علشان مكنش معايا فلوس أدفع المصاريف.
أعمال رانيا يوسف
يذكر أن رانيا يوسف شاركت في فيلم الملكة، بطولة الفنانة هالة صدقي، الذي عُرض الفترة الماضية في دور العرض السينمائي، وتناول العمل في إطار كوميدي، حول ماجدة التي تتعرض للعديد من المضايقات، لكنها تنجو من محاولات أعدائها لإيذائها، وتستطيع الحصول على كامل حقها منهم.
