مجدي أحمد علي: لو فيلم عصافير النيل اتعرض دلوقتي كانت السوشيال ميديا جلدتني
تحدث المخرج مجدي علي، عن فيلمه عصافير النيل بطولة الفنان فتحي عبد الوهاب، والفنان عبير صبري، الذي جرى عرضه عام 2009، موضحًا أن وقت عرضه لم يكن هناك ردود فعل عبر مواقع التواصل الاجتماعي.
وقال مجدي أحمد علي، في ندوة تكريمه بمهرجان الأقصر للسينما الإفريقية: لو فيلم عصافير النيل اتعرض دلوقتي كان زمان السوشيال ميديا جلدتني، زمان مكنش في الهلع ده، وأنا كان عندي مشهد جريء في فيلم البطل، وكنت بتفرج على الفيلم في المنصور قلت أشوف الجمهور الفلاحين بيقولوا إيه بقيت واحد بيقول فين الرقابة وطبعًا جالي خوف.
وواصل مجدي أحمد علي: كلمت الرقيب وقلت له لو المشهد ده هيعمل مشكلة شيله، قالي على جثتي المشهد ده يتشال ورفض يشيله، زمان مكنش فيه جبروت السوشيال ميديا اللي عكست الروح المحافظة أكتر من ما عكست روح الجرأة.
عرض النسخة المرممة من فيلم عصافير النيل
وجرى عرض النسخة المرممة لفيلم عصافير النيل للمخرج الكبير مجدي أحمد علي، اليوم بقاعة رع، الساعة السادسة، ويأتي ذلك في إطار الاحتفال بتكريم صاحب يا دنيا يا غرامي، وخلطة فوزية، وأسرار البنات، والعديد من الأفلام ضمن برنامج مكرمي دورة السينما الإفريقية قمر 14، ويعقب عرض الفيلم إقامة ندوة يديرها الناقد السينمائي أسامة عبد الفتاح.
