سارة سلامة عن مواصفات زوجها المستقبلي: مينفعش أحس إني أرجل منه.. ونفسي يحسسني بالأمان
كشفت الفنانة سارة سلامة، عن المواصفات التي تتمنى توفرها في زوجها المستقبلي، موضحة أنها لا تمانع الزواج من الوسط الفني أو خارجه ولا تضع معيارا لهذا الأمر.
وقالت سارة سلامة في ندوتها بالقاهرة 24: أنا مبحبش الراجل الضعيف وده مبيلفتش انتباهي، لازم يبقى في شوية نخوة هبقى أنا أرجل منه؟، أنا معنديش مواصفات معينة كل اللي نفسي فيه إنه يحسسني بالأمان، ويبقى فيه استقرار ويؤمن بيا ويحبني كشخصي مش كفنانة، أنا معنديش طلب معين ولكني فعلًا محتاجة يبقى في راجل في الحياة، البنات كائن ضعيف جدًا وبنتراضى بأقل كلمة وأبسط حاجة بتفرحني.
وتابعت سارة سلامة: لو مكانش فيه تحمل المسئولية وفكرة إنه يبقى راجل يعني حيطة وتكوين البيت، ولو حسيت إني أرجل منه أو أنا مسئولة عنه مينفعش، دور الأب كمان مهم جدًا مش أي حد ينفع يبقى أب زي ما مش أي واحدة تنفع تبقى أم، وأنا نفسي أخلف أكتر من إن نفسي أتجوز.
آخر أعمال سارة سلامة
ويعرض حاليًا مسلسل نقطة سودة عبر شاشة قناة MBC، والعمل من بطولة عدد كبير من نجوم الوسط الفني وأبرزهم الفنان أحمد فهمي، أحمد مجدي، وهدى الأتربي، وناهد السباعي، وفاء عامر، سماح أنور، أحمد مجدي، نضال الشافعي، أحمد عزمي وغيرهم، ومن تأليف أمين جمال وإخراج محمد أسامة.
